Yahoo Travel HK
韓國赴台灣旅客大增 專掃邊幾款產品？
大家去台灣會買乜？好可能大家都會有概定一個掃貨List，正正等如台灣人嚟到香港一樣會掃某啲特色產品一樣。最近台灣媒體就報道，因為來台嘅韓國遊客近年大增56%，可謂充當台灣旅遊業一個非常重要嘅角色呢。而媒體亦跟咗好多韓國客，睇下佢哋去到最愛嘅家樂福時，主要會掃邊幾樣貨品。原來主要得到韓國遊客歡心嘅唔單止係香港人至愛嘅台式小食，反而係一眾日用品，例如黑人牙膏、美麗日記面膜、台灣啤酒水果味、熊寶貝衣物香氛袋、愛文芒果等，係咪好估唔到呢？另外最得韓國人歡心，又同香港人比較夾就係台式飲料喇，即係一系列嘅咖啡、奶茶等等，尤其鍾愛於三點一刻及純萃喝，因為原來呢兩大牌子嘅奶茶其實有進口入韓國，但價錢就提高咗成4倍！難怪佢哋去到台灣要瘋狂入貨，「走水貨」返韓國啦！仲有呀，原來韓國鍾情台灣飲品食品，連台灣嘅三點一刻都已經喺首爾江南開咗概念店，賣珍珠奶茶等特色台式飲品之外，連台灣嘅即食麵都有得賣，都一樣大受歡迎！
台灣家樂福被韓國旅客包圍，掃清光貨架。
最愛嘅貨品例如黑人牙膏、美麗日記面膜、台灣啤酒水果味等。
三點一刻成為台灣過江龍，殺入首爾。
相關文章：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
