【邪惡美食】熱量爆標 美國KFC推出冬甩炸雞！

美國人喜愛炸雞，同時亦好鍾意食冬甩。KFC可以話能人所不能，最近居然於美國一眾分店推出全新炸雞菜式「冬甩炸雞」！

大家幻想一下，好似炸雞漢堡，不過兩層麵包變成沾滿甜醬嘅冬甩，一口咬落去，又甜又香，有軟有硬，口感絕無僅有。如此熱量爆炸嘅冬甩炸雞一推出已經極受歡迎，多間分店都被搶購一空，半日已經沽清。而且呢個冬甩炸雞仲可以揀冬甩口味，亦可以揀雙重冬甩，可以話邪惡加倍。

不過KFC可以話亦正亦邪，因為推出冬甩炸雞之前先啱啱推出全素炸雞，與知名嘅素肉公司未來漢堡Beyond Meat合作；用上幾可亂真素雞肉，製作成分為綠豆、豌豆、薯仔、蘋果、大豆混合一齊，口感、味道都同真雞肉難以分辨，難怪連里安納度迪卡比奧都有份投資啦！

美國多間KFC推出冬甩炸雞，邪惡度爆錶！

有唔少人都搶先去試，唔怕卡路里！

全素炸雞，無論外形、味道、口感都幾可亂真。

相關文章：

搵食好去處-本地週末自助餐3大推介-半價優惠

環保成趨勢-5招減少飛行垃圾

法國夜店請機械人跳舞-全場high爆

.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！